{ week note 51-52/23 週記 }

一年又到尾！今年最後一篇週記啦。

今年覺得咩都好遲，到咗19號先買聖誕樹，仲要奶奶幫眼同我一齊買，然後等兩個仔返咗學之後再自己車返屋企。雲先生好忙好忙，忙住來緊個 trip。Week 51 雲先生出埋今年最後一次差，而我就最後衝刺買埋啲聖誕禮物然後同奶奶＋佢男友一齊過聖誕。由於會返香港個半月，所以被迫暫停上瑞典語課。

估唔到今個聖誕其中一個高潮居然係一家大細一齊睇 Trolltider 大結局，哈哈。兩個仔都好鐘意呢個 show，鐘意到叫我同雲先生扮 stentroll 捉佢哋，哈哈。聖誕後落咗好多雪，雲先生話有四十厘米！又係小朋友嘅開心出門玩雪時候！我自己都好開心。最凍嘅日子有零下十九二十度，而今日，二三年最後一日，門外零下六度，有少少飄雪，好舒服，好白，好靚。

呢兩個禮拜我哋喺屋企焗咗幾次桑拿，呢邊啲屋好興內建桑拿浴，我哋屋企亦唔例外。兩個仔終於慣咗焗桑拿。今日我哋晚餐前就焗咗今年最後一次桑拿，而我，亦做咗件人生第一次做嘅事，就係焗完桑拿赤裸地衝出後門喺雪中滾咗一圈然後再衝入桑拿室焗多次先沖身出來。真係冰火相溶，好刺激！！！今晚一定可以瞓個好覺。

**

一年五十二週嘅週記終於完滿完成。呢個，係今年我俾自己嘅一個挑戰。寫呢個 blog 嘅主要原因其實係迫自己練習中文寫作，可惜好多時候我都 resort to 廣東話寫作，but I tried！不過我應該唔會寫週記啦，時間安排上其實真係唔易，我好明顯 prioritise 做其他事。再且，原本好多我打算分享嘅事都因為自己遲咗「交功課」而無寫，覺得有少少慚愧。明年決定想寫就寫，唔迫自己，哈哈。多謝大家今年嘅支持，希望今年大家都有所得著，有所進步！

祝大家新年快樂！明年再續！

左上係早兩個禮拜嘅 Luciadagen，我哋去教堂聽歌。左下：一大堆雪我哋掘咗兩大個窿俾兩個仔爬來爬去！

左下：今晚七點喺花園放煙花；右上：鄰居邀請去整聖誕曲奇屋，右下：去鄰居度 lussa 唱歌；中上：今晚飯後食雪糕，完美完結今年！

落咗好多雪，睇下屋頂上面嘅積雪！我問雲先生佢哋點計屋頂可以承受嘅重量。雲先生話啲人計呢啲好 meticulous，佢見過條 formula！

{ week note 49-50/23 週記 }

一眨眼又過兩個禮拜。只係覺得好忙，忙住開始買聖誕禮物，忙住同小朋友睇醫生。

快到聖誕節，今年我們伵會同奶奶加佢男友一齊喺奶奶屋企慶祝聖誕。十二頭我家加奶奶提早同大伯一家慶祝「小聖誕」（芬蘭傳統，奶奶芬蘭人），所以哥哥細佬已經收咗第一轉聖誕禮物。由於每年聖誕節都會送「海量」聖誕禮物，今年大家都算環保，哥哥細佬收嘅禮物多數係唐大佬嘅 hand-me-down：有書，有玩具，仲有一對未著過嘅新鞋（可惜哥哥仲未著得）。

一踏入四十九週哥哥就中咗 magsjuk (stomach sickness)，一晚嘔咗四次，換咗兩次牀鋪。然後輪到老公，出 trip 前又係又屙又嘔，跟住到我，嘔咗一次同肚唔舒服。細佬居然完全無事。幼稚園小班有一日只有兩位小朋友返學，細佬就係其中一位。Magsjuk 係我最驚嘅一種冬季 bacteria / virus （兩種都有機會），因為嘔的時候通常係夜晚，而且係一來就來，忍唔住。我自己試過，係超唔舒服嘅情況。到週末被邀出席鄰居年尾 fika，由於我自己剛剛好返，唔太敢食甜嘢，只係飲咗 glögg 同試咗鄰居自制好好味嘅藍莓酒！

五十週同哥哥細佬睇醫生。哥哥有花粉過敏，春夏秋天都鼻塞要食過敏藥，但冬天情況繼續。照完鼻鏡後發現哥哥鼻後面嘅 adenoids 腫咗，令佢經常鼻塞，夜晚要張大口睡覺。醫生話小朋友嘅 adenoids 比較發達，再加上小朋友經常病就更易irritate adenoids。哥哥嘅 adenoids 好腫，唔係醫生見過最腫，但屬於比較腫，醫生建議做小手術刮走少少 adenoids 表面。呢個手術好 common，醫生話佢一個禮拜大概要做三個手術，好多小朋友都有做。哥哥喺幼稚園嘅好朋友就已經做咗，佢直頭有 sleep apnea，即瞓覺停止呼吸。哥哥暫時除咗鼻塞之外無其比問題，其他 symptons 包括成日好攰，sleep apnea，打鼻鼾（哥哥間唔中都有）等。我哋要排期等做手術（要全身麻醉）。

Week 50 仲有慶祝 Lucia（以前寫過），幼稚園一早就已經開始準備，哥哥細佬（大班小班）都有焗聖誕曲奇，哥哥嗰班就有練習唱聖誕歌。十二月十三家長被邀到學校 fika 睇 video：大班一早就 Luciatåg 唱住歌咁去咗小班。哥哥細佬今年都 dressed up as Tomtenisse （聖誕老人幫手），好開心。一入到去幼稚園明顯地感覺到哥哥覺得我哋進入咗佢地頭，好開心咁 show 俾我哋睇佢平時玩開嘅玩具。細佬就一齊玩大班啲玩具。平時我哋接送只會進入 entryway，唔會入去佢哋班房。又，每間幼稚園做法都唔同，有啲幼稚園只會講俾家長聽小朋友會做啲咩，有啲可以睇採排，而我哋好好彩可以被邀 fika 睇 video。

最開心嘅係，我哋終於買咗返香港嘅機票！雲先生一月兩月分別要去美國開會，佢 proposed 我哋可以利用呢個機會返香港，我當然義不容辭啦，話晒四年前搬來後第一次合家返香港喎。訂咗一月頭，我一打三飛香港，雲先生飛美國；二月尾農歷新年後返，又係我一打三返瑞典，雲先生就先飛美國再返瑞典。雖然香港已經變咗好多，但可以返去見家人，仍然覺得非常開心。

{ introduction to the school system in Sweden 瑞典教學制度 }

簡介瑞典教學制度：

1. Förskola (kindergarten): 1-5歲入讀幼稚園。

根據雲先生的說法，傳統 förskola 就像一個安放小朋友的大 container，讓家長可以放心工作。小朋友在幼稚園的目的只有一個：玩。當然老師會教導小朋友簡單自理和一些基本知識（唱兒歌，學自己名字第一個字母、簡單勞作、繪畫、簡單小實驗等），例如哥哥未夠三歲就可以自己穿衣著鞋。幼稚園分小班和大班 (små barn & stora barn avdelningar)，三歲前在小班，三歲後轉大班。

哥哥三歲後還在村中幼稚園讀小班，那時他經常（幾乎每天）說不想上學，加上和老師討論哥哥發展時發現老師給我們的 comments 和他本人的性格不符（例如老師說哥哥很怕陌生人，事實上哥哥每次在路上見到路人都會不停地跟他們打招呼*，完全不怕生。）。於是雲先生打電話給校長，要求轉已經三歲的哥哥去大班，可惜校長以官方口吻說大班沒位，要等到有才能安排。她給我們的感覺是愛理不理，所以我們幾經考慮後決定幫哥哥轉校（轉校前我們跟新學校聯絡，帶哥哥細佬參觀學校，讓哥哥認識和感受新學校環境，確認他接受後再安排轉校）。

幫哥哥轉校的念頭是哥哥在村中幼稚園待了年半期間慢慢形成的。哥哥當時讀的小班老師全部都是女性（很普遍），哥哥兩歲學期完結時，大小班有合唱表演。哥哥出場時穿的是平時的衣著，但下半身卻穿了條粉紅色的芭蕾舞裙，我心中覺得古怪之餘亦覺得好笑。雲先生的反應當然比我大。再加上哥哥的語言發展得很好，兩歲多已認得廿九個瑞典字母，但學校只是教導他名字的第一個字母。或許是我早已被香港精英制洗腦，我覺得哥哥可以學習得更多。種種原因都令我和雲先生覺得，或者轉學校會對哥哥的發展更好。

哥哥三歲後的暑假跟細佬開始在 Falun 讀 Montessori förskola。有對比才能對事情有進一步的認識。哥哥轉到新幼稚園就讀大班，終於可以跟自己同年紀的小朋友玩；比起傳統幼稚園，在新學校哥哥可以接觸更多不同的學習資源，有更多 stimulation。

轉校一個月後，我問哥哥會否想轉回村中幼稚園，他耍手擰頭說不要。

2. Skola (School): 義務教育，compulsory schooling。分4個階段：

1. förskoleklass（preschool, year 0）6歲
2. lågstadiet (elementary school, years 1-3) 7-9歲
3. mellanstadiet (middle school, years 4-6) 10-12歲
4. högstadiet (high school, years 7-9) 13-15歲

哥哥一月頭就滿五歲。我和雲先生覺得哥哥比同年紀的小朋友成熟，而且他專注力高，可以自己閱讀簡單書籍（瑞典語），可以做簡單加數，可以寫字。香港朋友或者覺得五歲可以做以上事情是「基本」又或者是「落伍」，但瑞典的幼稚園教育跟香港不同，如同上文所叙，幼稚園就像個小朋友 container，他們只是玩，不像大部分香港學校一樣要「操」小朋友。哥哥自己讀書、寫字、計數完全是出自他自己想學習的動力。在瑞典，小朋友七歲才開始學 ABC（瑞典語）開始學寫字，我們覺得他已經 ready，可以由明年開始入讀 förskoleklass 學前班。雲先生說學前班的主要目的是讓小朋友學習坐 sit down，預備下個年度入讀 Year 1。事實上雲先生說的，都令我覺得O嘴。

3. Gymnasium: 高中 (years 10-12)

4. Universitet: 大學

小小簡單分享。對比香港的教育制度，我比較傾向瑞典的教育制度；但兩個制度都有好有壞，都只可以 give or take。畢竟我們現在住在瑞典，只可以跟著這邊的制度走，就像香港人住香港一樣，都沒有選擇。我覺得我們幫哥哥轉去 Montessori 幼稚園，已經是給了他一個比較好的選擇。而他自己亦比較喜歡現在的幼稚園。在以前，現校的唯一問題是離家較遠，要駕車或坐巴士才可到達，當然現在已不是問題。現在下雪的日子，平日廿分鐘的車程變成三十分鐘，每日來回四次，兩小時在車上。當我想到他們在學校玩得開心又可以學習（又，現校無論大小班都有男性老師），我是甘心樂意成為他們專屬的柴可夫。

*住在瑞典小城，每人在路上碰到路人都會打招呼說 hej (hey)，打招呼是出門後必做的事。住在小城通常在路上碰到的人不是鄰居就是住在村中的人，熟口熟面，一定會打招呼。話說哥哥第一次去到哥德堡，在路上不停地跟路人打招呼，多算回應他的都是上了年紀的老人。我跟哥哥說小城跟大城不同，我們不需要跟每個人都打招呼。小城比大城有人情味。

某天放學接哥哥,他正在計數。

{ week note 46-48/23 週記 }

有車牌後，生活節奏開始慢慢定下來。這三個星期忙著幫哥哥申請提早入讀學前班事宜和上瑞典語課。

早幾個星期前入紙叫老師校長推薦哥哥提早入學，十一月中終於成功獲批。Week 46 忙著幫哥哥入紙選校。由於哥哥提早入學，所以不可在網上填申請表格。在瑞典，很多機構都 paperless，接受 electronic forms，每人都可用 BANKID 有個 e-identity 十分方便，跟香港不同，香港很多機構只可親身填交表格。由於哥哥「情況特殊」，所以我們只好填好表格郵寄。學前班的選校時間由十一月中始至十二月中止，所以在十一二月間 communal (public) schools 有 information meetings 給家長參加，讓對學校有興趣的家長參觀了解更多。我亦參加了哥哥首選學校的 information meeting，以知道更多。

自從開始上瑞典課後，我每個星期都過得很充實。開始上課後察覺到自己有很多基本瑞文語法已忘得七七八八，所以很多個夜晚都一個人看 YouTube 和找回以前 SFI 課的筆記來重溫熟習。瑞典文老師是位俄羅斯人，說的瑞典文有口音，老實說我有時聽得不太明白，幸好她有豐富的身體語言，雖有時我聽不明白亦可估個大概。對我來說，她帶口音的瑞典文並不是一個問題，相反，通常由外國人來教外語代表他們亦付出很多心機來學習外語進而可以教導學生。我很佩服她。

上課進入第三個星期：一星期兩堂，每堂兩小時，每次上課後都有功課要做，下堂繳交。我開始留意到一個功課 pattern: 一星期功課容易，一星期功課比較難。容易的功課是學生字，做練習，寫句子。難的功課是要做 presentation。例如上個星期五做了份功課學習 källkristik (source criticism)：閱讀兩篇文章，學習如何 evaluation & critically review information，感覺就像剛入大學的課，但分別在於一切都用瑞典文而不是英文。今個星期其中一份功課是自選一篇文章，然後下星期做個十分鐘的報告。我的瑞典文詞彙不夠用，這功課的挑戰性相對很高。

這三週雲先生每個禮拜都有出差，除了哥德堡外他還去了 Helsinki 開 conference。哥哥細佬當然掛念他，但比起以前，明顯地他們已經 relaxed 下來。以往爸爸一出差就代表媽媽，i.e. 我，神經緊繃，早上一定不停催促兩子起牀食早餐刷牙穿衣出門；現在，當然亦會催促，但我們不用再追巴士，不用再在冰天雪地下趕路。上個禮拜開始，Sundborn 的氣溫徘徊在零下二十度，居然還下雪！當然我每次駕車出門都超感恩我有架靚車可以接載兩子上下課。

最神奇的是，在這種天氣下居然又見到北極光。Sundborn 完全是個 winter wonderland。我們伵當然又冒著冰寒出門玩雪。

做好家居佈置後迎來十二月三日第一個 advent。國營電視台開始播放 julkalendarn 聖誕節目 Trolltider，一連廿四集，由十二月一日開始直到十二月廿四日平安夜大結局。每年 julkalendarn 都不一樣，今年的節目我很感興趣，哥哥細佬爸爸都一樣，每日晚飯後的節目就是一家齊坐沙發看 Trolltider。哈！

很累很充實的三個禮拜。

左上：哥哥某早上給我一張紙，寫著他想食的早餐。Joghurt och russin och kokos cornflake och kanel，joghurt 他串成 JAGHURT，哈哈。他想食 joghurt, raisin, coconut shreds, cornflake with cinnamon powder；左中：細佬；左下：雲先生拉兩小子去玩。右上：80 kph 路上；右下：哥哥 steer 衝落山！