{ week note 42+43/23 週記 }

開心時日過得特別快。

考到車牌後，雲先生出門工幹的日子忽然變成我的自由時間，哈。之前他出差我就很緊張，早上要催促兩兄弟準時出門「巴士唔等人，只可以我哋等巴士！」；夜晚不用再提前準備明日晚餐；不用再留連圖書館。有車牌後我們仨都輕鬆了，兩子知道不用再趕巴士，不用太急出門，我自己亦放鬆心情，不再催趕（！）他倆。

唯一的「壞處」算是不再可以間中跟奶奶和哥倫比亞朋友隨意吃午餐。

這兩個禮拜有很多在家時間（變回正常人？！），除了可以做家務，我亦可以在家工作。我在網上銷售自家設計產品，早前在 Amazon 英美日售賣，近日計劃在瑞典國內售賣。只是小小小生意，用來打發時間，並無什麼進帳。目前亦有其他計劃，一步一步來，家有兩小兒，慢慢來。

這兩個禮拜 highlights：

• 第一次焗南瓜麵包！
• 今年冬天早早就到，初雪過後我家已經第一次制作了 pepparkakor (EN: gingerbread cookies)！很有聖誕的感覺！Pepparkakor 直譯是 pepper cookies，英文譯做 gingerbread cookies，其實不是所有的 pepparkakor 食譜都會用薑。跟比利時朋友聊天才知道 gingerbread cookies 不是他們的傳統聖誕食品，他們多會買 speculaas。或者聖誕吃 pepparkakor 在北歐比較普遍？
• 移居瑞典後發現瑞典保留很多傳統文化，作為一名港媳，我十分尊重並且興幸自己有機會接觸和學習瑞典傳統文化。
• 這兩個禮拜完全可以自己揸車去買菜，到不同商店購物。不用再等雲先生抽時間去買東西（之前還要跟他計劃何時可以揸車去做何事），現在，有自由了。
• 還有時間跟村內的馬來西亞朋友散了一次步！
• 完全感受到自動波車的方便！除了新車比較新外，自動波真的十分方便，只需留意路面情況就完全可以專心駕駛。
• 第一次「載客」，哈哈，車哥倫比亞朋友去購物。朋友說覺得我開車安全而且順暢。聽到這評語，我覺得自己過去十三個月的努力沒有白費。
• 就到萬聖節，今日一家 carve out 南瓜，我又可以 roast 南瓜子，兩子又可以玩，開心開心。
• 請村內朋友一家四口 fika。朋友的兒子有 Asperger，今年他剛入 förskoleklass（學前班），他父母說他被高年級的學生欺凌。聽到後很替他擔心。我是幸運的，自小沒被什麼人欺凌過（記憶中反而欺凌過自己兩個表妹，都是小事，沒留下什麼創傷）；至於雲先生，他小時候比較文靜，他說讀中學時每人多多少少都會被欺凌（？！下！）。他父母擔心又傷心。我作為母親，完全體會到他們的感受。
• 在瑞典，通常6歲才上學前班。哥哥明年一月滿五歲，我們幫他申請早一年上學前班，即明年九月。一來他比同年小孩成熟，比較喜歡跟比自己年長的小孩玩，二來他現在已經可以自己閱讀和書寫（哈哈，今日他給我、雲先生和細佬各寫了「一封信」，所謂信，其實只有兩句句子，又好笑又佩服），我們覺得他有早入學的條件。今個禮拜交了早入學表格給幼稚園校長，得到批准後十一月中就可以入表選入讀小學。

今年萬聖節哥哥和細佬會第一次出動 bus eller godis (EN: mischief or candy / trick or treat)，期待！（相片會後補）

又，今日 daylight saving 完結，回拔一小時！跟香港時差七小時。

{ first snow 2023 初雪 }

今日中午同朋友食 lunch 時見窗外飄起白雪。一年又入冬，今年特別早。

今年春夏天既來得遲，又短；秋天沒有遲到，但只有兩個月；冬天在毫無預兆之下就到了。

二子當然開心，放學時白雪飄飄，不捨得上車回家。我跟細佬說「我哋返屋企睇落雪！」，不知幾開心，哈哈。

In the afternoon

At night

First snowman ❤️

{ week note 39-41/23 週記 }

Oops, 又過咗三個禮拜。有時想寫週記然後轉個頭又已經有其他嘢做，寫週記忽然又變成其次。

呢三個禮拜發生嘅事：

• Week 39 織咗條 neck warmer 俾哥哥。好易，又暖。呢邊冬天好凍，細佬有條黑色 fleece 嘅 neck warmer，design 同我呢條 neck warmer 差不多，到再凍啲佢用嘅時後再補相俾大家睇下。喺香港未見過，喺呢邊好多小朋友都用，好易套入頸，又唔怕會甩或都入風，勁好。
• 哥哥細佬好鐘意去附近被砍咗嘅森林 (forest management) 玩，一齊整咗個 koja (EN: hut)，好開心。
• Week 40 哥哥細佬齊齊病（細佬流鼻水，哥哥發高燒），兩位小朋友成個禮拜只係返咗學一日。好攰。
• 我哋部車條 exhaustion pipe 生大銹之餘仲爛埋，一 gas 就發出好大引擎聲。開車一踩油就引來大家（討厭）嘅目光，哈哈，可惜我哋架車唔係咩改裝過嘅勁車，令大家失望啦。呢個 item 全力交俾雲先生 handle。
• 所以 Week 40 只係學咗一堂車。
• 週末同雲先生開始討論買車，上網找適合嘅車。搵啱咗部 Volkswagen Passat station wagon，聯絡咗 agent 問價錢。
• 天氣開始凍，入秋終於等到第一個 frost（10月7日）。今個夏天好鬼多蚊，第一個 frost 之後佢哋就死曬。第一個 frost 到前我哋收成咗啲南瓜，有成十個咁多！
• Week 41 雲先生又出差。好彩兩兄弟病好咗。呢個禮物四要考車，所以我安排咗星期一、三學車準備考試。呢兩堂先知阿 sir 原來係好健談嘅人，哈哈，仲講咗啲英文瑞典文笑話我聽（之前上堂佢唔太講嘢）。
• 星期四考車成功！超開心！
• 星期五買咗車，之後分享喺瑞典買車經驗。
• 星期日初嚐自由嘅感覺，第一次自己揸車去買餸！

Neck warmer: koja; flowers from mother-in-law. Last picture: the kids making a chocolate cake together.

今日第三次考車

Third time lucky， 第三次考車終於成功！

第三次考車都係我自己上網經交通局 Traficverket 預約考。原本轉咗駕校諗住經駕校安排考試，可惜上個禮拜我問駕校師傅，佢話我要先取消自己個 booking 佢哋先可以幫我預約考試（system d 嘢就係咁白痴）。由於我將會考第三次試，交通局俾我嘅考試時間會同頭一次考嘅人唔同（第一次考嘅人有 priorty，啲時間會好啲），師傅話如果經佢哋預約未必可以揀返同一個日子時間，所以幾經考慮我都係放棄咗經駕校報名考試（聽聞經駕校安排考試會易啲合格，而且可以用平時學車用嘅車來考試。經交通局就一定要用交通局嘅車）。

考試時間係朝早 11 點，我送咗兩個仔返學後去圖書館等。雲先生今個禮拜三四又要去哥德堡，有投資會要開，所以一定要去。我噚晚 10 點半就已經瞓咗，係咁同自己講唔好諗考車，冷靜，瞓覺，明日再算；好彩細佬夜晚只係醒咗一次，我可以充分休息。到咗圖書館我開始覺得有少少 jittery，有少少驚，於是我開始𡁻香口膠。平日我係個唔𡁻香口膠嘅人，但我早兩日上網 search 考車前冷靜 tips，其中一個 tip 就係𡁻香口膠，仲有食蕉同朱古力。我準備充足，十點半食咗條香蕉，去到交通局十點五十分食朱古力，十點五十五分開始𡁻香口膠。哈哈，無肚痛，亦無需要去廁所。

十一點未到考官就叫我名。一見係一名女考官，即時定咗落來。只要唔係同一名中東籍考官，我就無問題。考官開始同我講瑞典文，但我同佢講同英文會好啲，佢就即轉英文 channel，上車，問我有無用過呢部車（Volvo D40），我話無（駕校用 Volkswagen）。車上嘅倒後鏡 settings 我唔識用，個 gear box 位亦同平時揸開嘅車唔同（ reverse 喺 gear 6），我無驚，問清楚點用。考官好好，所有嘢解釋清楚（考試要求、范圍、揸車時間）就正式開始。首先喺城內揸，行人同車輛都唔算多，經過火車軌，大小迴旋處，交通燈，行人路，左轉等，然後上高速公路向 Rättvik 方向揸，一路自己睇路牌一邊揸。今日之前我從來無揸過呢個方向（喺 Falun 考車試無一條 fixed 嘅考車路線，東南西北，視符考官決定。平日上堂通常揸去 Borlänge 或者 Hälsinggården 方向，今次去 Rättvik 係我嘅第一次），喺高速揸（90 kph）咗好耐，然後入咗條 country road (70 kph) 繼續，經過 villa / residental area，我以為佢會叫我 reverse around the corner，但完全無停落來。跟住佢叫我 follow “Centrum” 路標返市中心。由高速轉入另一條路再轉咗個彎已經返到交通局！我好驚訝，返來咁快嘅！哈哈。最後佢叫我將架車泊喺兩架車中間，我泊到少少左，佢問我想唔想泊返正，我話想，於是第一次 reverse，再泊返正架車。今次泊得好好。佢俾我睇部 iPad，話考咗啲咩嘢，然後話我知合格啦！我一聽，超開心，問佢可唔可以攬佢一下，佢話可以，哈哈。佢話五日內我就會收到個駕駛執照，而家已經可以立即揸車，只要我有身分證喺手。如果我個牌兩年內被 revoke 就要再考過。

一考完即刻打俾老公！我喺街上面手舞足蹈，又叫又笑，哈哈哈。老公都好開心！奶奶請咗我 fika，又送咗扎花俾我，好感動！最重要嘅係，我哋買架車明日就到，明日我就可以自己揸車啦！

經過一年零一個月，兩次理論試三次路試後，我終於攞到個車牌。

我張成績單，godkänd = 合格。