{ week note 34/23 週記 }

by 清風明月30 August, 2023

今個禮拜（相對地）比較輕鬆。

星期三（一個禮拜最鐘意星期三，哈哈，因為 Wednesday 英文睇起來好靚）考完理論試，合格，嘻嘻，緊張的情緒放鬆，接著兩個禮拜集中火力練車就好。希望四個月內考到車牌！
和一位越南華僑聊天，他告訴我他（以前）考車（年紀跟我差不多）理論筆試的有效期為兩年！兩年！據我所知在 COVID 前筆試有效期只有兩個月（！！！），COVID 後（暫時）改為四個月。嗯，我，生不逢時嗎（笑）。
星期五和朋友一齊入森林摘藍莓。原本不打算再摘，但早幾日和鄰居散步時居然在森林路邊看見很多多多多多藍莓。於是我們再一次出動。
摘完藍莓，她跟我一起找 kantarell (chanterelle) 蘑菇，我們運氣非常好，找到 400g！其實她是 expert，我只是跟她「搵食」，她把全部蘑菇送我。非常感恩！
全部藍莓都被制成藍莓醬。還有個藍莓批。
正在閱讀 Civilized to Death by Christopher Ryan。十分有趣的一部書，有很多新的觀點與概念都未有想過+完全不知道。十分值得推薦。
還開始聽他的 podcast，亦非常有趣。
於是我要推薦他 podcast 的 intro song，叫 Sound Alarm (by Carsie Blanton)。有意思的歌詞+美好的聲線。近日不停 on repeat 的一首歌。
八月很快完，很快就踏入本年度的第四季。今個星期天氣灰灰暗暗，感覺快到秋天。

{ week note 33/23 週記 }

by 清風明月21 August, 2023

今個禮拜由壞消息開始：好朋友嘅爸爸過咗身。

對我來講都係個幾震驚嘅消息。Uncle 都叫由細睇到我大，可惜之前返香港無機會去探下佢。或者因為我老豆之前身體狀態唔太好，所以聽到佢過身嘅消息特別感到難過。近日都喺度諗關於死亡。希望朋友慢慢可以平復落來。

由於上個禮拜不停地落雨，Falun 居然水浸。

Anyway，今個禮拜去咗鄰居度摘黑加倫子，第一次整咗黑加倫子啫喱。瑞典人鐘意食豬加黑加倫子啫喱，反正未整過，又叫試下整新嘢。除咗整黑加倫子啫喱，仲整咗果汁。今年實在抽唔到時間去摘果子，屋企棵紅加倫子都只係摘咗少少。

然後朋友邀請我一齊入森林摘藍莓，8月中，已經係最後摘藍莓嘅時候。入森林摘藍莓加 fika 都係大家樂意去做嘅事。夜晚趁著小朋友瞓咗就整藍莓醬。再過多一兩個禮拜就可以摘 lingonberries 啦，已經周圍都見到紅澄澄嘅果實。朋友仲喺森林度搵到 chanterelle 蘑菇，好叻！

周末去哥倫比亞朋友屋企慶祝佢個仔三歲生日，好開心。送咗個太空人 Duplo 俾佢個仔，佢鐘意到攬住來瞓，哈哈。

最後，鄰居送咗一大袋蘋果俾我哋，整咗個蘋果批，仲淨返好多。Note to self, 第日種蘋果樹最多種一棵就夠。

又，今個禮拜開始戴返好耐無戴嘅結婚介指，因為唔使再幫阿仔換屎尿片。細佬二歲三個月成功戒咗片（仲快過哥哥細個！），噚晚開始已經連夜片都唔使用。

{ week note 32/23 週記 }

by 清風明月15 August, 202315 August, 2023

今個禮拜不停落雨，瑞典和挪威都落很多雨。瑞典（唔知挪威）有地方水浸，但未算嚴重。

Sundborn 有個水力發電站 / kraftstation，有三個大 turbines。近日狂落雨我們伵當然要去看看發電站蓄水池有幾多水，水壩放幾多水。春天時水霸開始維修工作，目前還在維修，有點擔心棚架可否支持得住！

Sundborn 水壩

除此之外還是只有練車、溫理論，還有和朋友去散步、食藍莓和覆盆子。

{ week note 31/23 週記 }

by 清風明月7 August, 20237 August, 2023

今個禮拜只忙著執屋、練車和溫考車理論。

不過都有幾件特別事情想分享下：

話說 Falun 的地型似「凹」字，市中心是平地，離開市中心後地型就有起伏。奶奶家離市中心不遠，就在山上。平日奶奶買餸要上落（勁斜）斜路，落山當然容易，但上山拿著重物就很辛苦。終於早幾個月前奶奶被說服買了部電動單車。有幸第一次踩電動單車，感覺上山超輕鬆！未試前我以為單車會自動推動車身上山前行，但原來單車仍然要自己踩，摩打推動著車身令踩上山變成件超輕鬆的事。如果我們住在 Falun 一定會入手一部電動單車。我跟雲先生說如果奶奶打算放棄（比較重）這部電動單車，我一定會接手！雲先生說我到時直頭可以踩單車去 Falun。

鄰居伯伯婆婆對我們極好，經常來往，大家互相幫忙。星期六晚受邀食晚晚之餘他們請我們作證人幫他們簽份文件（Power of Attorney）。這是件我們覺得 honoured 的事，被鄰居才信任叫我們。他們信任的人應該不是我，哈哈，是雲先生。反正又增加人生經驗之餘又有免費茶飯，哈哈。
家在路邊，前園沒遮沒掩，雖說是路上最後一間屋，但在前園玩有時感覺沒私隱（有人散步、有人遛狗、有人跑步、有人入森林作業、冬天有人滑雪），所以早兩三年前我和雲先生在前園圍邊種了一排紫丁香，再過二三年就可以阻擋路人的目光。

今日雲先生到鄰居家拿馬屎，為紫丁香排施肥。回來後他叫我們出去，說有超大蟲，他未見過云云，我們當然不會放過這種大場面！

不是超大蟲，是巨蟲！還有兩條！真的有點噁心，我叫雲先生放出馬路，不要留在花園。假若肥蟲吃掉我家紫丁香樹我一定會後悔！一會兒雲先生又叫我們（細佬午睡，我和哥哥在屋內玩 board game），我們又衝出去。天啊，巨蟲被森林（大）蟻攻擊，一大堆圍著它，我真心看不下去。雲先生利用此機會教導哥哥大自然之弱肉強食。哥哥想救這兩條巨蟲，立即跑去拿鏟過來把兩隻肥蟲弄上去，然後打算入森林放生。雲先生跟著一齊去，把肥蟲埋在小木板路下。雲先生說它們住在泥下，生存機會會高一點。